تعالوا معيا رحلة الى طفولتنا

رحلة الى حيث كانت طفولتكم

[ الطفولة ]

أحلى مافي هالحياه .. مرحله من غير هم
كنـا دايما نبتسم
كنـّا حتى لو بكينا ... وجارت الدنيا علينا
بعد لحظـات وثواني [ بسمه فينا ترتسم ]

رحلة إلى تلك الأيام ..

حيث البراءة ... الطهارة ... العفوية ... الحب الخالص .. والعواطف النقية...
هناك فقط .. حيث الطفولة ..


رحلة الى حيث كانت طفولتكم
دعونا نتعرف على جانب جميل عشناه جميعنا و(تمنينا عودته جميعا ً!!) أو (مش كلنا يعني بس برضه بنحن)



[ المحطه الاولى ]

اوصف طفولتك بجملة واحدة ؟



[ المحطة الثانية ]

ما هو اجمل موقف او اجمل ذكرى تتذكرها من طفولتك ؟



[ المحطة الثالثة ]
ما هو أصعب أو أحزن موقف مر عليك في طفولتك ؟



[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟


[ المحطة الخامسة]

هل هناك انسان معين كرهته في طفولتك .. ولماذا ؟



[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟


[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟


[ المحطة الثآمنه ]

ما هي اكثر وافضل لعبة كنت تلعبها و أنت صغير ؟



[ المحطة التاسعة ]


هل ستربي اولادك بنفس الطريقة التي تربيت بها في طفولتك؟
إني
أحبكم في الله

الموضوع هاااااااااااااااايل فكرتيني باللذى مضى هههههههههههههه
اوصف طفولتك بجملة واحدة ؟

اجمل حاجة عشتها واحى حياه

ما هو اجمل موقف او اجمل ذكرى تتذكرها من طفولتك ؟

هما موااااااقف كتييييييييير يعنى مثلا كنت في يوم وانا صغيرة في ابتدائى تقريبا او اصغر كمان بس كنت انا وابراهيم وسارة اختى وكنا لوحدنا في الشقة وماما وبابا مش هنا وحصل ان كان عندنا عسل اسود محطوط فوق طربيزة التليفزيون واختى سارة وكانت عايزة تاكل منو المهم هيا شدتو فوقع العسل كلة فوق راسها وانا وابراهيم كنا في الاوضة وبندور على سارة عشان كنا بنلعب استغماية طالعين من االاوضة فلقيناه حاجة سااااااااااامرة العسل كلة كان مغطى وشها وشعرها وكان منظرها بشع انا وابراهيم شفنا الموقف واتسرعنا وهات يا عياط وسيبناها لوحدهااااااااااااا ودلخنا الاوضة وقفلنا علينا فكرناها عفريت لحد ما ماما جت وشافتها وغسلتلها منظرها واحنا قعدنا خايفين منها فطرة طويييييييييييلة


بس كان يوم عسل

ما هو أصعب أو أحزن موقف مر عليك في طفولتك ؟
هوة مش فاكرة اوى بس اكتر موقف رخم يوم معملت عملية الوز الدكتور كان صاحب بابا والممرضة احنا عرفينها وكانت بتمكسحلى بقى من الدم وكدة وانا في ابينج انا مشفتش بس كلهم حكولى انى عضتها جااااااااااااامد ياعيني وانا لما فوقت لقيتها رابطة صوابيعها ياعيني وزارقة خااالص بس كان وجع فظييييييييييييييع

ما هي أجمل هدية تلقيتها في طفولتك ولم تنساها لليوم ؟
دية يوم ما بابا جابلى عربية من السعودية معاه وهوة راجع وكات بتمشى على الحيطة وبرموط وكانت عجبانى اوى لدرجة انى بوظتها من اول اسبوع هههههههههههههههههههههههه مهو انا الحمد له مفيش حاجة بسيبها في حالها في الشقة

هل هناك انسان معين كرهته في طفولتك .. ولماذا ؟


لا بصراحة مفيش خااااااااااااااااالص حد كرهيتو انا الكل كان بيحبى جدا وانا كمان كدة

هي اصعب مرة انضربت فيها ولا زالت محفورة في ذاكرتك وسبب الضرب وش كان؟

لا محصلش انى انضربت اصلا خالص قبل كدة والحمد لله انا الوحيدة اللى في اخواتى منضربتش على حاجة لانى كنت مدلعة جداااااااااااااا بغبااااااااااااء كنت اخر العنقود

هل كنت غيور بطفولتك من اخوانك وتحس فيه تمييز بينك وبينهم ؟
لا بالعكس انا دايما عارفة انى ليا منزلة عند بابا غير سارة وابراهيم نهاااااااااااااااااائى وليا مكانة تانية وواخدة حقى من صغري تالت ومتلت
ما هي اكثر وافضل لعبة كنت تلعبها و أنت صغير ؟

لو في الالعاب كان عندى عجلة صغيرة كنت بركبها وبحبها جدا واخويا عجلة كبيرة وسارة اختى عجلية متوسطة كنا بنمشى بالتدريج في الشارع بيهااااااااااا بس كان الشكل تحفة


هل ستربي اولادك بنفس الطريقة التي تربيت بها في طفولتك؟


اه طبعا احب شخصيتهم قوية بس هشد عليهم شوية اكتر من لما اتشد عليا


الموضوع جامد يا سمسمتى تسلمى يا قمرررررررررررررررررر

على فكرة الموضوع فعلا جامد اخر حاجة وبالنسبالي انا بقى
1-كانت احلى ايام في حياتي كلها
2-اجمل موقف حصلي لما كنا في السعودية وخالي قام شايلني وانا ييجي 6 سنين وقعدني عالباب من فوق خالص وسابني لوحدي وكلهم قعدوا يضحكوا عليا لما لاقوني قاعد فوق وخالو مش راضي ينزلني بس انا اتصرفت ونزلت لوحدي وغظتهم

3-اصعب موقف لما كنا بنلعب انا واخواتي وبنجري ورا بعض وراحت اختي زقاني قمت واقع على سن التربيزة ودقني اتفتحت
4-لما بابا جابلي الباتيناج لاني كان نفسي فيه جدا
5-كان فيه واحد استغفر الله العظيم يارب مكنتش باطيقه كان ساكن جنبنا ومعايا في المدرسة لان دمه كان تقيل جدا وانا من زمان باحب الهذار والضحك
6-انا بصراحة مش فاكر اخر مرة انضربت فيها كانت امتى لانها من زمان اوي لانهم عودوني هنا ان انا الراجل ومينفعش الراجل ينضرب بس كان بالنسبة ليا اللي اصعب من الضرب لما احس ان بابا او ماما زعلانين مني عشان حاجة عملتها
7-لا خالص من زمان وانا واخواتي كنا متربيين اننا نحب بعض ونحب كمان الخير لبعض وممكن نغطي على بعض في حاجات كده يعني ده غير ان انا كانت ليا مكانة متميزة عشان انا ولد
8-انا كنت بالعب حاجات كتير زي بالعجل وبرطوس واستغماية وكهربا وكنت باحب العب اي حاجة فيهم
9-انا اتمنى اني اقدر اربي ولادي زي مانا اتربيت بس مظنش في وسط تغيرات المجتمع والحاجات اللي اللي بقت موجودة ومنتشرة الايام دي

ميرسى يادموع ويابيتهوفن على الصراحة وعلى مروركم الكريم بس لذيذ فعلا اننا نتذكر ايام الطفولة مش كدا

ميرسى يابيدو على التشجيع بس اتمنى ان تسجل مشاركة فى الموضوع وتبدى راى فية وتكتب عن طفولتك

هفكر يسمسمة

ههههههههههههههههههه طيب فكر في بيتكو انت جاى تفكر على الهول كدة قدام الناس؟؟؟؟؟؟؟

ميرسي ليكي انتي يا سمسمة عشان خلتينا نفتكر الايام الحلوة دي

واية اللى مخليك متفتكرهاش
يعنى