أختار لك موته كله مكتوب

إختار لك موته

عاوز تموت من الجوع ؟

يا تتجوز بنت حلوة غاوية نيو لوك ............. يا تسافر تعمل شوبينج في لبنان

عاوز تموت من الحسرة ؟

يا تتفرج على جلسات مجلس الشعب .... يا تتناقش مع إبنك في القيم والأخلاق

عاوز تموت من الغيظ ؟

يا تتفرج على أفلام اليومين دول ......... يا تتفرج على قنوات الفيديو كليب

عاوز تموت من الزهق ؟

يا تدخل على النت من التليفون .... يا تستنى دورك في عيادة الدكتور الكبير من غير واسطة

عاوز تموت من الهبل ؟

يا تسمع الأغاني الشبابية بتاعت اليومين دول.......... يا تسمع برنامج شبابيك في دريم

عاوز تموت مخنوق ؟

يا تروح تجدد رخصة العربية ......... يا تتفرج على الفضائية المصرية

عاوز تموت مفروس ؟

يا تتفرج على إعلانات التليفزيون ............ يا تتفرج على ستار أكاديمي

عاوز تموت مرعوب ؟

يا تسأل على سعر الشالية في مارينا ....... يا تروح تحلل المياة اللى بنشربها

عاوز تموت مشهور ؟

يا تغني وصوتك وحش ............ يا تعمل نفسك سفاح المعادي

عاوز تموت مليونير ؟

يا تدي دروس للثانوية عامة ............ . يا تنتج فيلم لهيفاء وهبي

عاوز تموت ورا الشمس ؟

يا ترشح نفسك في إنتخابات الرئاسة ............ يا تشتم في الحزب الوطني

عاوز تموت منكد ؟

يا تتفرج على قناة الجزيرة ....... يا تحاول تفهم اللي بيحصل في العراق

عاوز تموت من الحزن ؟

يا تفكر في أفضل وسيلة للإستفادة من مرتبك ........ يا تقنع ولادك بالمذاكرة والتفوق

عاوز تموت في حالك ؟

سيبك و ريح دماغك

ههههههههههههههههههههههههههههههههههه انا نفسي لموت وانا نايمة عشان تبقى حسن خاتمة لانى ساعتها الوقت اللى مش هكون فية لابتفرج على تليفزيون ولا قعدة نت ولا حااااااااااااجة خااااااااالص هموت موتة حلوة
اما لو هختار بقى من دول يبقى احب اموت ورا الشمس احسن او اموت متنكدة

هههههههههههههههههه

ههههههههههههههههههههههههههههههههههههههه

ياعيني على حرف الهيه

المفروض تختارو تموتو وانتوا ساجدين لربنا مش اللي بتقولك وانا نايمة
ايه رايكوا في التقوى دي؟
وبجد تسلم ايدك يا نونا موضوع جامد اخر حاجة