الله يقطع البنات وعمايلها

والله يابتهوفن كلامك اثر فيا بس عايزه اقولك انك مخدوع وصو ابعك مش زى بعضها ولسه فى ناس عايشه فى زمان سي السيد وموضوع غسيل الرجلين ده مش مهين ولا حاجة ده عادى جدا واقل من العادى وفى ناس بتعمله

اولا مشكورة لمرورك الجميل عالموضوع وثانيا بجد بجد اول مرة الاقي واحدة موافقاني على كلامي
كل البنات لما تسمع كلامي ده تقول وليه وزمن سي السيد ده خلاص خلص من زمان واحنا دلوقتي في زمن المساواة والكلام اللي انتي عارفاه ده كله
وحقيقي ردك بموافقتي في كلامي ده وسام اضعه على صدري

اولا الموضوع حلو لان اخلاتف الاراء لا يخلف للود قضية بس عايزة اوجة سؤال لنونا الاول يا تري بما انك موفقة على كدة انتى بتعملى مع جوزك كدة دلوقتى؟؟؟؟؟؟؟ ومقتنعة بعدم تعليم البنات وكدة؟؟؟
انا اعرفك كويس واعرف ان مش كدة خااالص
ثانيا بقى كلامى لبيتهوفن هعلق على كل كلمة انت كاتبها
منين بتقول انك ضد اعتراض تعليم المرأة ومنين بتقول لازم عشان المذاكرة للعيال وبتقول كفاية لحد ابتدائى لو تفتكر دماغك وانت في ابتدائى ودماغك وانت في كلية يا تري نفس التفكير؟؟؟؟ ونفس التفتح اللى انت فية دلوقتى؟؟؟؟؟ يبقى ازاى عايزها تذاكر لولادك وهيا اصلا هتبقى تعتبر في عالم مغلق في التفكير ومعندهاش توسع يبقى هتخلى عيالك مش متفتحين ومتخلفين وتفكيرهم هيبقى زيها لان ولادك هيبقو معاها اكتر من لما بيقعدو معاك الام هيا مركز الاسرة كلها وهيااللى بطلع جيل من عيالك متعلم
ومنين مصر بعد كانت من دول العالم التالت بقت من دول العالم التانى يعنى تقدم ونهوض ولو المرأة متعلمتش هيبقى مجتمعنا متخلف لان الراجل مش كل حاجة بيعملها


ثانيا :كانت بتفضل قاعدة في بيت ابوها لحد ما ييجي عدلها

انت لية بتجمع البنات اللى بيقعدو على القهوة والمكان الفارغ دة بنات مش محترمة وطبعا احترامى للجميع ومش عايزة اغلط في حد في حاجة اسمها كوفى شوب للبنات بي وانا دخلتو في طنطا هنا انا واصحابى دايما ولما البنت تقعد في بيت ابوها لحد ميجي عدلها ويبقى مرغوب عليها انها توافق بالغصب لمجرد ان البنى ادم دة هيا عجباه ومقتنع بيها وعايز يتجوزها طب ازاى؟؟؟؟ هيا فين من دة تتجوز واحد هيا متعرفوش ويمكن تكون مش طيقاه وهينعكش عليها بعض الجواز وياريت انت تبقى ماشى بالمبدأ دة طلاما كاتبو انك متكلمش البنت نهاااائىوتخليك بتفكيرك ومتخدش واحدة غير لما تكون كدة اذا كان في التعليم او نظام انها تكون في بيت ابوها ومحدش يعرفها ومش بتنزل في الشارع وكدة ودايما اعرف مقولة ( اذا اردت انا تطاع فاطلب المستطاع )


ثالثا:يوم ماكانت تنزل محدش كان يشوفها او يعرفها

وعجبتنى اوى يوم متحب تنزل محدش يعرفها دية ليها هيا حرامية لازم تمشى تتخفى من الناس كلها اللى انت بتتكلم علية دة المنقبين مثلا؟ وان النقاب مش فرض وعلى فكرة لو واحدة منقبة ومراتك مثلا ورحتو حجيتو مهيا لازم تقلع النقاب وهتبقى في وسط الدنيا كلها وشايفنها لازم تبقى وشها باين يبقى انت بتدارية في بلدك ورايح تبينو برة ماعلينا انا عن نفسي ضد موضوع النقاب انا عندى لبس طويل وواسع ومحترم ولا انى اتنقب

رابعا:هم تلات رجالة اللي تعرفهم في حياتها(ابوها-اخوها-جوزها

انا ضد ان البنت لما تدخل كلية تبقى عارفة الدفعة كلها دية زي مبتقول بس عندى تعليق ان البنت دية دية اخلاقها ومحبش انى اشتم لان البنات انواع زي متلاقى اللى عارفة الدفعة كلها زي مهتلاقى اللى متعرفش حاجة خالص ودة زي الصبيان بردو انواع فية اللى هتلاقية محترم وكويس وملوش دعوة بولا بنت ولا بيعاكس حد فيهم
زي مهتلاقي فية اللى مش كويس وهتلاقى اللى بيشرب سجاير و اللى مبيشربش واللى اخلاقو كويسةواللى اخلاقو زفت يعنى البشر انواع
ومش كل البنات تعرف جيرنهم والهبل دة وانو يبقى ليها كلام معاهم ما علينا بلاش نطول

خامسا :كانت تعمل للراجل الف حساب
انا مش ضد ولا بعترض ان الواحدة تعمل حساب لجوزها ولا حاجة بلعكس انا ماما هنا بتعمل الف حساب لبابا في الوقت نفسو انو مش بيستغل الحوار دة ويتمادا فيها اه هعمل لجوزى حساب مش لدرجة انى اترعب لما اشوفو وعلى كلامك كدة تبقى مقتنع بللى بيضرب رتو دية فعلا بقى اللى هزلت بما انك بتتكلم على ايام زمان نرجع لايام الرسول وطبعا اللى مفيش احلى منها الرسول كان لما يعاقب مراتو كان بيحذرها الاول ولو كررتها كان بيديها ضهروا وهوة نايم ولو اتمادت اوىىىى بقى كان بيضربها بس مش بيعملها تشوه ولا بيكسرها كان بيضربها بالسواك وطبعا انتو عارفينو لكن تعالى شوف الرجالة اللى زيك وبتقول الكلام دة ممكن تعمل اية في مراتتهم ولا اكنهم ستات اصلا اكنهم عبيد عندهم وتعرف ان اللى بيعامل مراتو كدة مستحيل يعتب الجنة
وعجبتنى اوى تستنى هيا لما ياكل وبعد كدة تاكل اه تاكل هيا الباقايا بتوعو
لية تستناه والحجات دية لية هوة ابن ناس وهيا بنت .........
لا اللى اعرفو ان دة بنى ادم وهيا بنى ادمة والاتنين واحد ربنا مفضلش حد فيهم عن التانى عشان نعمل كدة

وانا ضد ان الواحدة تمسك لجوزها الشبشب ليه ياعنى يبقىى مش راجل في حاجة اسمها احترم بين الاتنين مش قلة قيمة وبمناسبة انها تسألو رايح فين دة حقها مهيا متسبكش كدة وتبقى قلقانة عليك وقاعدة مستنياك ومعلش انت مع واحدة تانية برة ونص الرجالة دلوقتى بقت كدة نصهم اية دة يعتبر كلهم معدا ناس قليلة اوى ونادرة اللى تلاقيها مخلصة
سادسا ودة الاهم متنساش ان مديرة الادارة في المنتدى تبقى بنت
وعلى فكرة هنزلك انا بقى موضوع تانى رد لموضوعك قريب انشاء الله

والله يا ست دموع موضوع انى معترضه على تعليم البنت انا مقولتش كده ااانا بتكلم فى حوار غسيل الرجلين اصله ممكن يحصل عادى جدا وموضوع انها تنزل محدش يعرفها فى الشارع مش منطلق انها حرامية لا انا محترمه اه انا مش منقبة بس الواد بيبقى عايزه محدش يبص عليه ولا يعرف ودلوقتى ممكن البنت تشرب شيشه وكمان تضرب ماكس بس كل االمشكلة انه صوابعه مش زى بعضها وفى شباب والله والله يابتهوفن بيعكسوه المنقبة عشان حصلت قدامى احنا مش كلنا صح ومش كلنا غلط لكن الغلط يادموع اننا نعمل الغلط ونقول انه صح والغلط اننا نعمل الصح ونقول مش طبعنا كده الموضوع اكبر من اراء الموضوع بيختلف كتير بعد

اولا احب اشكركم على المرور على الموضوع وابداء رأيكم وده اختلاف ارآء واختلاف الراي لا يفسد للود قضية
ثانيا انا الكلام اللي كتبته ده فعلا هو اللي كان بيحصل زمان وهو ده الصح ودول الستات اللي تطمن انها حتشيل اسمك وسمعتها تبقى من سمعتك انما بنات اليومين دول ولا ينفعوا ببصلة (طبعا مش الكل فيه منهم بنات محترمة بس المعظم مينفعوش)
وثالثا انا مقتنع برايي جدا وبكل الكلام اللي قلته واللي كان بيحصل زمان انه افضل من دلوقتي وبعدين لو بتتكلمي على التعليم اظن هي لما حتذاكر للعيال مش حتفضل تذاكرلهم طول حياتهم اخرها لحد خمسة ابتدائي وكلها حاجات تافهة مش اللي تستاهل تفكير ده غير ان الانسان كده كده مخه بيكبر ودي حاجة مش مرتبطة بالتعليم ولو بتتكلمي ان البنات المفروض تتعلم حامشي معاكي تعرفي تخلي البنت ملهاش اختلاط بالولاد لان ده حرام؟واظن انتي عارفة ان الاختلاط حرام
اكيد مش حتقدري لان الراجل موجود في كل حتة يبقى الافضل تقعد في بيتها لانها سواء في الجامعة او في الشغل حيبقى فيه زمايل ولاد اللي يقولها كلمة حلوة واللي يهذر واللي يبص علي لبسها وجسمها يبقى المفروض تفضل قاعدة في بيتها
رابعا مع احترامي ليكي بس مش من الصح جدا ان البنت تقعد حتى في كوفي شوب للبنات لانه ميفرقش عن الكوفي شوب العادي او القهوة وحتى لو نفترض انه عادي تقعد فيه طب ليه متفضلش قاعدة معززة مكرمة في البيت ولو عايزة تتجمع هي واصحابها يتجمعوا في بيت واحدة منهم بدل ما يسمحوا لاي حد انه يضايقهم او يقول عليهم اي كلمة ولو بالغلط
وبعدين انا مقلتش اننا نجبر البنت على الجواز لان دي نقطة متنفعش والاسلام نفسه مقالش ده يحصل هي ممكن تشوفه ويا تقبله يا ترفضه ده حقها الشرعي
وانا لو عليا يا ستي فعلا باتمنى من ربنا واحدة كده ويبقى ربنا كرمني فعلا وراضي عني
خامسا اه المفروض تنزل محدش يشوفها مش بتتخفى عشان هي حرامية لا سمح الله بس عشان كانت الناس ماشية عالعادات والتقاليد اللي باظت دلوقتي خالص ورمتوها في الزبالة والنقاب فعلا مش فرض ومينفعش اقول عليه كده بس هو افضل للمراة مع الملابس الواسعة الطويلة لانه بيحافظ على حياء المرأة ويمنع ان حد يضايقها او يبصلها او يقولها ايس كلمة انما البنات دلوقتي بصراحة الولاد بتبقى غصب عنها ده مش معناها اني باخدلهم العذر في اللي هما بيعملوه بس انا ولد ولما الاقي واحدة ماشية في الشارع لابسة بنطلون جينز ضيق ولا الكلسون اللي بيقولوا عليه بنطلون كارينا ولا جيبة قصيرة ولا بادي ضيق وقصير كل الحاجات دي ومش عايزينا نبص ونعاكسهم غصب عننا
ويمكن اه يا نونا ممكن تلاقي شباب بيعاكسوا المنقبات برضه بس قليل جدا وده ناتج عن ان فيه بنات دلوقتي بقت بتلبس النقاب عشان تتخفى وراه بس مش اكتر
انما انا عن نفسي انا واصحابي لما نكون واقفين في الشارع مثلا وواحدة منقبة جاية تعدي بيبقى ملناش دعوة بيها بل على العكس بنحترمها جدا ولو كنا بنقول حاجة خارجة نوطي صوتنا عشان متسمعهاش ونبعد عنها
والست لما بتقلع النقاب في الحج ده عشان هي رايحة تقابل ربنا وهل تعتقدي ان فيه واحد في وسط جمال العباذة ولذة الوقوف بين ايد ربنا حيفكر يبص على اي واحدة؟
سادسا وانا مقلتش ان كلامي ده كل البنات بتعمله
فيه بنات بتعمل كلامي كله وفي بنات بتعمل حاجات وحاجات لا بس نادرا لما تلاقي واحدة مبتعملش ولا حاجة من اللي باقول عليه واظن دي حاجة واضحة زي الشمس
سابعا اه من حق الراجل يضرب مراته وده كلام القرآن الكريم مش كلامي انا
فيه آية بتقول (فعظوهن واهجروهن في المضاجع واضربوهن) واظن انتي انسانة مسلمة وعمرك ما حتشككي في كلام القرآن الكريم
اه الضرب ميكونش اول وسيلة لاصلاحها بس ممكن استخدامه
وبالنسبة لحكاية انها تستنى لما يخلص اكل وبعدين هي تقعد تاكل فانا قلت اني مش موافق لان الست مش حيوانة ترميلها بواقي الاكل واظن ده من التعديلات اللي قلت متنفعش واللي اديت بيها للست كرامة
بس بالنسبة لنقطة انك بتقولي ان ربنا مفضلش واحد فيهم عن التاني فدي انا مش معاكي فيها لانه ربنا قال (الرجال قوامون على النساء) وقال كمان (وليس الذكر كالانثي) فده معناها ان فيه فرق بين الراجل والست ومينفعش يكونوا متساويين ابدا
وبالنسبة لحكاية ان الست تسال جوزها انت رايح فين عشان متكونش قلقانة عليه ديه معنديش فيها اي مانع بس بشرط لما تصلح الحاجات اللي باقول عليها دي الاول وتبقى زي جداتنا قبل الافكار الغربية الهدامة ماتدخل عليهم وتدمر عاداتنا وتقاليدنا في مجتمعنا الشرقي وتقلدوهم مجرد تقليد اعمي
وشكرا على ردك وارجو ان رايي ميضايقكش حد لان لكل واحد وجهة نظر ودي وجهة نظري

انا كتبت كلام كتير اوى وموصلش هبقى ارد تانى بعدين لانى مش قادرة اكتب كل دة دلوقتى

بص بقى انا معاك فى حاجات وحاجات لا يعنى موضوع الشغل انا ولدتى ست عامله وبتزل محترمه وترجع محترمه ومفيش حاجة اسمها يبصلها ولا يعكسها يعنى شغله بقالها 20 سنة عمرها ماكان فى اى حاجة تضايق وموضوع انه الراجل يبص على الست فى لبسها ده مش محترم سورى يعنى لم تبقى واحده نزله تشتغل ولبسه محترم وبتشتغل بادبها عادى مفيش مشكلة لكن الراجل اللى ينزل مراته فى جو الشغل ده لا طبعا محدش هيوافق وهى نفسها مش هتقبل بالوضع ده وانك عايز مواصفات فى زوجتك ومحدش هيحافظ على اسمك
صدقنى البنت بتتغير بعد الجواز وايام الخطوبة تغير كلى من لا الى نعم



وسوال ايه هى مواصفات شريكة حياتك ؟

اولا انا باشكرك جدا على اهتمامك بالرد على الموضوع ده وشايف انك من اكتر الناس العاقلين اللي اتكلمت معاهم في الموضوع ده لانك مش بتكابري وبتقولي فيه حاجات مقتنعة بيها وحاجات لا وده حقك انما اي واحد تانية اجي اتكلم معاها بتبقى شايفة ان كل كلامي غلط وده بس عشان خاطر مش جاي على هواها
وانا شايف ان المناقشة معاكي حتؤدي غرضها اللي انا عاملها علشانه اللي هو تقنعيني واقنعك
وردا على سؤالك بمواصفات شريكة حياتي فانا عايزها متدينة ويفضل منقبة مبتشتغلش وتحترم كلامي وتعرف ان الراجل هو الراجل والست هي الست يعني ممكن تناقشني في الحاجة اللي مش عاجباها بس اذا مقتنعتش برايها يبقى رايي هو اللي يمشي
يعني باختصار تكون مقتنعة بزمن سي السيد وان ده كان الصح وتوافقني على كده ومتعملش اي حاجة من حاجات البنات اللي بيعملوها اليومين دول

والنقاب فعلا مش فرض بتهوفن انت قولت فى ردك فوق

اكيد الراجل هو الراجل والست هى الست وتناقشك عادى ولو مقتنعتش كلامك اكيد هيمشى بس لو حاجة بتعرض الدين وكده مش هتسمع الكلام وايه اى حاجة اللى البنات بيعملوه اليومين دول ياريت توضح اكتر من كده

اوكشن دموع بس لازم نناقش ونجدل عشان ياتقنعى ياتتقتنعى مش استسلام ومديش راى واقتنع براى كده وخلاص

انا مش مستسلمة بس الكلام كلة مش عاجبنى عشان كدة هحتفظ برأى لنفسي لان دية وجهت نظر[b]

بما ان بنات اليومين دول مش عجبينك معندكش استعداد انك تدور على البنت اللى ممكن تكون كويسه وشايفهم كلهم وحشين وياي بشعين روح جبلك واحده من ورا الجموسه لا مؤخزه هى دى هتلاقى فيهاكل مواصفات امينه مرات سى السيد
والخلاف لا يفسد لسي السيد قضيه مع تحيات نيمو كات العضوه الجديده

والله يادموع الرد ده معجبنيش وبجد الكلام اللى اتقال غلط لكن انا هبقى اكلمك على الياهو

ماتزعليش يانونا بس هو حر فى رأيه وفى اللى هو شايفه بس احنا كمان مش وحشين وهو شايفنا منيلين

اولا الموضوع لا حيقلب بخناق ولا حاجة احنا المفروض ناس كبيرة بتتناقش مش عيال صغيرة بتتخانق ومش معنى ان واحدة اندفعت وانفعلت شوية ان انا كمان حابقى مندفع زيها واصغر مخي واقلبها خناقة ورا الجاموسة بعد ما كانت مناقشة هادفة
ثانيا ميرسي ليكي اوي يا نونا انك فعلا شايفة ان المناقشة دي مهمة وممكن نتوصل منها لافكرا نغير بيها راينا في حاجات معينة وزي ما قلتي يا تقنعيني يا اقنعك
واللي قصدي بعمايل البنات اليومين دول يعني متكونش كلمت حد قبل كده ومبتلبسش الكلام الفاضي اللي معظم البنات بتلبسه دلوقتي واللي بالاصح بيلبسوا من غير هدوم
وبالنسبة ليكي يا نيمو عضلات اللي داخلة سخنة اوي كده علينا فبالراحة علينا شوية واتناقشي معانا بدل الكلام اللي ملوش لازمة وملوش هدف
ومع ذلك يا ستي لو حاجيب واحدة من ورا الجاموسة اتجوزها وتكون بالمواصفات دي فحتبقى احسن من بنات كتير من جاردن سيتي

بصى يانيمو احنا بنقنع وبنتناقش فى موضوع متهيقالى 90 فى الميه من الشباب موفقين بتهوفن على موضوعه وان فى بنات وحشه وانتى متنكريش حاجة زى ده فما تجيش انتى وتتحمسى كده قوى وبدل ماتقنعى اللى قدامك تثبتيله فكرة اكيده وبالنسبة للست اللى من ورا الجاموسة ده فالسول عليه الصلاة والسلاة يقول خيركم اتقاكم

انت حر فى اختيارك كده انت صح شايف بنات مش كويسه وبنات كمان كويسه يعنى مش كله وحش ولا كله حلو بس العيب مش فينا العيب فى الزمن وربنا يسترها معانا

نعيب زماننا والعيب فينا على راى الشاعر

يبقى العيب فينا راجل وست زى ما فى تقصير من عندى فى تقصير كمان من عندك
انت بتقول ان مافيش ستات زى بتوع زمان ولا بقى فى رجاله زى بتوع زمان انا مش بغلط والله بس ده الحال اليومين دول ومش هاقتنع ان فى رجاله فى الزمن ده الا لما يبقو يعرفو يرفعو بناطيلهم الاول ساعتها يمكن اشوف رجاله ولا ايه رأيك

اانا مش شايفة ولا رد ليكم الكلام مش ظاهر عندىىىىىىى