لما قابلتها يوم وانا ماشي
قلت ياريت اليوم ده ماجاش
كان شيء صعب عليّه حقيقي
اعمل نفسي مابعرفهاش
يومها ماكناش بس اتنين
كان ناس تانية كتير ماشيين
كنت ساعتها في عز الحيرة
لحظة وعدت زي سنين
قلت انا حمشي قوام طوالي
واعمل نفسي مخدتش بالي
بس ازاي يجي يوم واتنكر
من اللي زمان كان كل امالي
هي اكيد كان راح تتألم
لو عديت من غير مااتكلم
وعشان كده انا خدت قراري
لما تقرب اقف واسلم
ضاع من قلبي اللي مخوفني
لما شافتني وقلبها شافني
اتبسمت ومديت ايدي
عملت نفسها ولا تعرفني
