يمكن يمكن عندك حق

يمكن يمكن عندك حق
يمكن اه لا فيوم حبيتك
ولاحنيتبك
ولاحتى هويتك
ولا جه طيفك يوم في خيالي
ولا شفتك قمري في العالي
ولا قلت اتقدم لو ممكن
وكمان يمكن يمكن يمكن
يمكن يمكن عندك حق
يمكن برضه اكون واد صايع
عايش تايه ومقضيها
بس يا عيني على بختك
ضايع
جاية في ..... القرد تشميها
وكمان يمكن اكون هلاس
وقلبي عمره فمرة ما دق
يمكن يمكن عندك حق
لو عيزاني كمان اثبتلك
افتكري يوم مانا سبتلك
اب وام وكل العيلة
واخ واخت كمان بلا نيلة
دست عليهم يومها برجلي
وصوابعي منك في الشق
يمكن يمكن عندك حق
بس حاقولك حاجة اخيرة
مهما حاولتي ومهما عملتي
علشان تنسي
مش راح تنسيني
مه كلو من قبلك حاول
يبعد يبعد
وتاني يجيني
يرجع تاني قلبه يرق
وهو دا بس الحق

صايع وضايع وكمان هلاس؟؟؟؟؟؟ يا حول ولا قوة الا بلله
دة مرض يابنى ولا اية ربنا يعفى عنك

وبلاش غرور اية التناكة اللى في الشعر دي اكيد واحدة شيفاك بالمواصفات الجميلة اللى قلتها دي كلها مستحيل تفكر فيك اصلا
ههههههههههههههههههههههههه

عروستك عندى وريح نفسك

ههههههههههههههه
لا دا مش غرور دي ثقة بالنفس مش اكتر
وبعدين هي فين العروسة دي ليميني عليها

ههههههههههههههههههههههههههه هتتجوز على نفسك يالهوى امرى لله ادورلك

بس بسرعة وحياة ابوكي عشان مستعجل