أحلي منتدى مجنون لكل الشباب والبنات

بسم الله الرحمن الرحيم

عزيزي الزائر / عزيزتى الزائرة : انت غير مسجل معنا في منتدانا دموعنا اذا كنت تريد الانضمام لاسرة منتدانا نتشرف بالتسجيل وان تكن عضوا فنرجو عليك الدخول وان كنت مجرد زائر فأضغط على كلمة اخفاء ومنورنا ونتشرف بوجودك معنا

ادارة المنتدى pig
أحلي منتدى مجنون لكل الشباب والبنات


    مصر تتشبث بحلم المونديال بهدف فى زامبيا

    شاطر
    avatar
    NONA

    عدد المساهمات : 302
    نقاط : 359
    تاريخ التسجيل : 05/10/2009
    العمر : 30

    مصر تتشبث بحلم المونديال بهدف فى زامبيا

    مُساهمة من طرف NONA في السبت أكتوبر 10, 2009 3:12 am

    حافظ منتخب مصر على حظوظه في الوصول لكأس العالم 2010 بالفوز على مضيفه زامبيا بهدف عصر السبت في الجولة قبل الأخيرة من التصفيات المشتعلة.

    وجاء هدف الأمل من لاعب وسط المنتخب المصري حسني عبد ربه في الدقيقة 69 من تصويبة سكنت المقص الأيسر لمرمى زامبيا.

    وارتقى منتخب مصر في جدول المجموعة الثالثة إلى القمة بجوار الجزائر ولكل منتخب عشر نقاط، ويلتقي الفريق الأخضر مع رواندا في ذات الجولة مساء الأحد.

    وتنتظر مصر نتيجة مباراة الخضر ورواندا، كون الجولة الأخيرة تجمع الفراعنة مع الجزائر في الـ14 من شهر نوفمبر المقبل.

    وفي حال تساوى المنتخبان في النقاط، يلجأ الاتحاد الدولي لكرة القدم (الفيفا) لفارق الأهداف في اختياره للبلد التي ستمثل إفريقيا في كأس العالم من هذه المجموعة.

    ويتأخر منتخب مصر عن الجزائر بهدفين في حسبة الصعود، ولذا نتيجة مباراة الأخير مع رواندا مصيرية لآمال الفراعنة.

    وتعد خسارة زامبيا دافعا لرواندا للقتال أمام الجزائر، كون بطاقات التأهل لكأس أمم إفريقيا عادت للملعب مجددا.

    توقف منتخب زامبيا عند المركز الثالث برصيد أربع نقاط، مبتعدا بثلاث نقاط عن رواندا.

    جبهة معوض

    وقفت حالة الملعب السسيئة حائلا أمام منتخب مصر ليجيد هجوميا، بينما سد عصام الحضري مرمى الفراعنة في وجه زامبيا لينتهي الشوط الأول بالتعادل السلبي.

    ومع تفوق زامبيا، لعب الحضري دور البطولة في المباراة بعدما تصدى لثلاث فرص محققة لاحت أمام أصحاب الأرض للتقدم.

    دفع حسن شحاتة المدير الفني لمنتخب مصر بتشكيل يغلب عليه الطابع الهجومي إذ أشرك محمد بركات في مركز الظهير الأيمن.

    ولعب محمد أبو تريكة جوار أحمد حسن وراء رأس الحربة عمرو زكي، فيما تكفل أحمد فتحي وحسني عبد ربه بتأمين خط الدفاع.

    ظهر التوتر على أداء دفاع مصر مع بداية المباراة، إذ أهدى وائل جمعة فرصة بلا عنوان لرينفورد كالابا الذي انفرد بمرمى الفراعنة، لكنه سدد الكرة في يد الحضري.

    وتركزت هجمات زامبيا على الجبهة المصرية اليسرى في ظل تكاسل أحمد سعيد "أوكا" عن تغطية الظهير سيد معوض.

    العرضية الزامبية الأولى اقتنصها كريستوفر كاتونجو بالرأس، ووقف هاني سعيد ليبرو مصر في وجه الكرة، وشتتها بهدوء.

    الارتباك انتقل من دفاع مصر إلى خط الوسط، الذي فشل في تأمين فرص لثلاثي المقدمة، وظل اللعب منحصرا في منتصف ملعب مصر.

    وكاد سعيد أن يضع الكرة في مرماه مع الدقيقة 17 بعد عرضية من زامبيا أرسلها ميشيك لونجو.

    أول هجمة مصرية جاءت مع الدقيقة 19 حين حصل عمرو زكي على الكرة في الجانب الأيسر، وحولها عرضية، لكن دون متابع.

    ولمح كابالا الحضري متقدما عن مرماه، فحاول إسكان الكرة في المرمى الخالي، لولا أن جانبه التركيز.

    وكرر منتخب مصر هجومه من الجانب الأيسر عن طريق زكي الذي أرسل عرضية متقنة، ردها حارس زامبيا كندي مويني قبل الوصول للمندفع من الخلف أبو تريكة.

    وفي الدقيقة 30، مر كاتونجو من أوكا، وانفرد بالحضري مسددا كرة قوية، ردها بروعة السد العالي.

    وحملت الدقيقة 37 أخطر فرص المباراة حين استلم كاتونجو كرة عرضية تحت رقابة ضعيفة من معوض، وصوب تسديدة قوية وهو يسقط، فردها الحضري.

    هدف الأمل

    تحسن الدفاع المصري مع الشوط الثاني، ومنحت صلابته ثقة كبيرة لوسط الملعب حتى يمد زكي بالكرات.

    ولجأ المعلم لمقاعد البدلاء لزيادة الفاعلية الهجومية، فأشرك أحمد رؤوف على حساب بركات، ليجاور زكي في خط المقدمة.

    وخطف رؤوف مع لمسته الأولى كرة من دفاع زامبيا، وأرسل عرضية نموذجية لم يتقدم لها خط وسط الفراعنة، فضاعت الفرصة.

    وجاء هدف الأمل مع عرضية أرضية من عوض اقتنصها عبد ربه بتصويبة سكنت المقص الأيسر لمرمى أصحاب الأرض.

    وأعاد شحاتة التوازن لمصر مجددا على أمل حفظ النتيجة بإشراك أحمد عيد عبد الملك في موقع زكي، ليصبح رؤوف مهاجم الفراعنة الوحيد أمام دفاع زامبيا.

    كما احتل شريف عبد الفضيل موقع أوكا الذي حصل على إنذار في الشوط الأول، ووضح أن منتخب مصر قرر الاكتفاء في النتيجة، إذ تراجع تماما للدفاع.

    ونجح منتخب مصر في نيل مراده، فانتهى اللقاء بفوز الفراعنة بهدف نظيف على زامبيا. Laughing
    avatar
    tweety

    عدد المساهمات : 51
    نقاط : 63
    تاريخ التسجيل : 08/10/2009
    العمر : 34

    شسي

    مُساهمة من طرف tweety في السبت أكتوبر 10, 2009 5:07 am

    الله اكبر

    الحمد لله هدف يوقظ الحلم مرة ثانية
    المنتخب بصراحة كله النهاردا كانو رجالة هما صحيح كان فى استعجال فى الاداء لكن بجد الحمد لله شرفونا النهاردا
    ويبقى الامل الوحيد لما هو الفوز على النسور الجزائرية فى عقر دارنا فى استاد القاهرة

    يارب دعوات كل الناس وكل المصريين لهذا اليوم الصعب جدا

    وان شاء الله النصر لمصر
    avatar
    Demo3_El2amar
    Admin

    عدد المساهمات : 1027
    نقاط : 1202
    تاريخ التسجيل : 03/10/2009
    العمر : 26
    الموقع : tanta

    رد: مصر تتشبث بحلم المونديال بهدف فى زامبيا

    مُساهمة من طرف Demo3_El2amar في السبت أكتوبر 10, 2009 5:13 am

    طب والله العظيم جت بالصدفة ابن عمى عمال يقول في ماتش المرة اللى فاتت كنت بغيظو وقلتلة يا رب تخسروا بس بهزار ولقيتكو خسرتو هههههههههه والمرة دية جة يقولى في ماتش ومش عارف اية وقعد يحكيلي قلتلو يا رب يا سيدي تكسبو عشان متتغموش زي المرة اللى فاتت فكسبتو ههههههههههههههه شفتو امل مصر في ايدي No يعنى اياكو حد يزعلنى بكلمة هدعي عليكو قلبى وصوابع رجلى هيبقو غضبانين عليكو Razz
    avatar
    tweety

    عدد المساهمات : 51
    نقاط : 63
    تاريخ التسجيل : 08/10/2009
    العمر : 34

    رد: مصر تتشبث بحلم المونديال بهدف فى زامبيا

    مُساهمة من طرف tweety في السبت أكتوبر 10, 2009 5:21 am

    استاذه نونا

    هو الكلام بتاعك دا منقول؟؟؟؟

    ياريت بس تقولى انه منقول لان دا مهم جدا
    avatar
    Demo3_El2amar
    Admin

    عدد المساهمات : 1027
    نقاط : 1202
    تاريخ التسجيل : 03/10/2009
    العمر : 26
    الموقع : tanta

    رد: مصر تتشبث بحلم المونديال بهدف فى زامبيا

    مُساهمة من طرف Demo3_El2amar في السبت أكتوبر 10, 2009 5:24 am

    ممممممممممم عايزة اقلك ان تلات تربع المواضيع بتبقى منقولة دة شئ عادى بس هيا جايباه من موقع الاخبار تقريبا او حاجة زي كدة هيا اللى كانت قايلالى
    avatar
    NONA

    عدد المساهمات : 302
    نقاط : 359
    تاريخ التسجيل : 05/10/2009
    العمر : 30

    رد: مصر تتشبث بحلم المونديال بهدف فى زامبيا

    مُساهمة من طرف NONA في السبت أكتوبر 10, 2009 10:00 am

    وانتى تردى بدالى ليه هو انا موت وانا معرفش بعد الشر يعنى الموضوع ياتويتى انا شفت المتش ولازم اشوف اى كرة فيها المنتخب المصرى او الاهلى وانا بحب الكورة ففى موقع اخبار بيسرد الاخبار كانك شايف الماتش فاسلوبه حلو مع تعديل منى كده بسيط طبعا Neutral بس احنا ولا لكنا بنلعب حلو ولا حاجة ومتحطش امل فى المتش اللى جاى اكيد بالمنظر ده هنقبل الجزائر ازاى طيب غير اننا لينا 3 والجزائر ليها خمسة غير انها هتلعب مع رواندا يوم الاحد فاقل حاجة تخسر ودعوات المصريين No
    avatar
    Demo3_El2amar
    Admin

    عدد المساهمات : 1027
    نقاط : 1202
    تاريخ التسجيل : 03/10/2009
    العمر : 26
    الموقع : tanta

    رد: مصر تتشبث بحلم المونديال بهدف فى زامبيا

    مُساهمة من طرف Demo3_El2amar في السبت أكتوبر 10, 2009 12:26 pm

    انا غلطانة معدتش هدافع عنك تانى اانا زعلانة منك وتصدقى مش هديكي ااشراف لما من دلوقتى بتتأمري عليا امال لما تبقى مشرفة عامة هتولعى فيا؟؟؟؟؟ Razz Razz
    avatar
    tweety

    عدد المساهمات : 51
    نقاط : 63
    تاريخ التسجيل : 08/10/2009
    العمر : 34

    رد: مصر تتشبث بحلم المونديال بهدف فى زامبيا

    مُساهمة من طرف tweety في الإثنين أكتوبر 12, 2009 10:05 am

    طيب
    انا اسف على المقاطعة طبعا
    بس لازم يبقى فى تفاؤل يا نونا وطبعا كلنا شفنا الجزائر امبارح مش الفريق اللى يخض خالص فريق عادى جدا
    يبقى امل المنتخب القومى القوى ان شاء الله فى الفوز على الجزائر 3-0 ويضمن الوصول الى الحلم
    ما يحتاجه المنتخب واللاعبين
    التركيز - الهدوء - الاصرار
    لو فعلا جميع العيبة قدرو يجمعو هذه الصفات يبقى ان شاء الله هنفوز 3 واكثر لكن المشكلة ان الشمال افريقى دايما مستفز وبارد جدا فلابد ان نكون ابرد منهم وميخرجنوش من شعورنا
    المهم كل الناس اللى فى المنتدى تدعى وتقول يارب يوم 14-11-2009 يكون يوم الكورة المصرية

    وبشجع الاهلى والاهلى حديد
    avatar
    Demo3_El2amar
    Admin

    عدد المساهمات : 1027
    نقاط : 1202
    تاريخ التسجيل : 03/10/2009
    العمر : 26
    الموقع : tanta

    رد: مصر تتشبث بحلم المونديال بهدف فى زامبيا

    مُساهمة من طرف Demo3_El2amar في الإثنين أكتوبر 12, 2009 12:07 pm

    اهلىىىىىىىىىىىى اهلىىىىىىىىىى توت توت
    avatar
    NONA

    عدد المساهمات : 302
    نقاط : 359
    تاريخ التسجيل : 05/10/2009
    العمر : 30

    رد: مصر تتشبث بحلم المونديال بهدف فى زامبيا

    مُساهمة من طرف NONA في الإثنين أكتوبر 12, 2009 7:25 pm

    انا معاك ياتويتى فى كلامك بس ساعات بيستهبله جدا ومبيلعبوش وده المشكلة وبعدين يادموع ده المنتخب اللى هيلعب مش الاهلى واللى ميعرفش فى الكورة مايشجعش

    Beethoven

    عدد المساهمات : 875
    نقاط : 969
    تاريخ التسجيل : 05/10/2009
    العمر : 29

    رد: مصر تتشبث بحلم المونديال بهدف فى زامبيا

    مُساهمة من طرف Beethoven في الخميس أكتوبر 15, 2009 2:48 pm

    ربنا يسترها على الفراعنة في ماتش مصر والجزائر عشان فريقنا القومي يشرفنا ويدخل كاس العالم
    وعايزين كلنا نوحد دعائنا ان الجزاير تخسر من رواندا وان مصر تكسبها لما تلاعبها
    قولوا يا رب
    avatar
    NONA

    عدد المساهمات : 302
    نقاط : 359
    تاريخ التسجيل : 05/10/2009
    العمر : 30

    رد: مصر تتشبث بحلم المونديال بهدف فى زامبيا

    مُساهمة من طرف NONA في الخميس أكتوبر 15, 2009 3:30 pm

    صباح الخير ماخلاص الجزائر كسبت رواندا ايه يابتهوفن ده انتى نايم خالص

    Beethoven

    عدد المساهمات : 875
    نقاط : 969
    تاريخ التسجيل : 05/10/2009
    العمر : 29

    رد: مصر تتشبث بحلم المونديال بهدف فى زامبيا

    مُساهمة من طرف Beethoven في الجمعة أكتوبر 16, 2009 11:05 pm

    لا حول ولا قوة الا بالله
    تصدقي محدش قالي خالص والله
    avatar
    Demo3_El2amar
    Admin

    عدد المساهمات : 1027
    نقاط : 1202
    تاريخ التسجيل : 03/10/2009
    العمر : 26
    الموقع : tanta

    رد: مصر تتشبث بحلم المونديال بهدف فى زامبيا

    مُساهمة من طرف Demo3_El2amar في السبت أكتوبر 17, 2009 5:44 am

    هههههههههههههههههههههههههه ولا انا كمان محدش قالى ههههههههههه انا مش بحب الككورة زيكووووووو

      الوقت/التاريخ الآن هو الأربعاء يناير 16, 2019 1:44 pm